حل الفنان باسم سمرة، ضيفا على برنامج صاحبة السعادة، مع الفنانة والإعلامية إسعاد يونس، في حلقة خاصة ومميزة، تحدث خلالها عن العديد من التفاصيل عن آخر أعماله مسلسل عين سحرية، والأسرار عن مسيرته الفنية.
أبرز تصريحات باسم سمرة في برنامج صاحبة السعادة
وتحدث الفنان باسم سمرة، وفقا لما رصده موقع تحيا مصر، عن العديد من التصريحات في برنامج صاحبة السعادة، قائلا: انا كنت بطل في حته وعصام بطل في حته عشان كده طلعنا حلوين والمسلسل نجح، وكان من اصعب المشاهد هو علاقتي ببنتي لما كنت بروحلها العيادة للعلاج واحكيلها قد ايه هي وحشاني وهي قاعدة قصادي، عشان يكون في عمل مميزة لازم يكون في ورق وإخراج حلو والإنتاج في عين سحرية قدر يخلينا ننزل في مناطق شعبية والتصوير كان صعب وانا حبيت الدور جدا.
باسم سمرة يكشف كواليس مسلسل عين سحرية
وتابع باسم سمرة: عين سحرية كان معمول بيقدمه عصام عمر واللي رشحني للدور هو السدير مسعود والدور مكنش بالأهمية دي لما انا قلت اوكي اشتغلوا اكتر على الموضوع، وأضاف: سامح عبد العزيز هو اللي رشحني ل فيلم تيتا رهيبة وأول مقابلة ليا مع سميحة أيوب كانت جميلة ووجودي انا وهنيدي وسميحة كان كوكتيل حلو والحمدلله الفيلم فضل معلم مع الناس لحد دلوقتي.
وأضاف باسم سمرة أنه أنهى تصوير الحلقة الخامسة عشرة من المسلسل يوم 14 رمضان في تمام الساعة 11 صباحًا، موجهًا التحية لمؤلف العمل هشام هلال، ومشيرًا إلى أن شخصية "زكي المحامي" التي قدمها لم تكن مكتوبة له في البداية، حيث كان الدور مخصصًا للفنان عصام عمر قبل أن يتم ترشيحه لاحقًا.
باسم سمرة يكشف عن رأيه في النجوم الحاليين
كما كشف الفنان باسم سمرة عن رأيه في بعض النجوم قائلا: انا بحمد ربنا اني اتاخرت لأن الشعلانة دي محتاج اثقف وافكر واقرأ ومش ضروري أن الواحد يكون حواليه حد يمجده، واحمد السقا نجم كسر الدنيا في فترة والمفروض يكون في نقلة بس هو معملهاش وهو طيب جدا وطفل، وهنيدي بحبه اوي ولكن هو محتاج ورق وانا عايز اشتغل معاه تاني.
وأضاف: طه دسوقي جميل وطيب جدا بس عنده مشكلة أنه مش عايز يتكلم مع الناس أو يروح برامج لامه خايف يقول حاجات كبير او يغلط في حاجة، أما كزبرة دمه خفيف وعمل شغل كويس مع محمد إمام.
0 تعليق